Թեմ
Հրապարակված է: 01/30/2018
Կիրակի 28 Յունուար 2018-ին, Ամերիկայի Արեւմտեան թեմի Առաջնորդ՝ Յովնան Արք. Տէրտէրեան այցելութիւն մը տուաւ Օրեկօն նահանգի, Փորթլենտ քաղաքի, Ս. Գէորգ Եկեղեցւոյ ծուխի ժողովուրդին ուր եւ այնտեղ Պատարագ մատուցանեց եւ հաւատացեալ ժողովուրդին բաշխեց Աստուծոյ օրհնութիւնները:
Այնտեղ ներկայ էին բաւական ծուխի հաւատացեալներ որոնք կը մասնակցէին Սբ. Պատարագին: Նախքան քարոզը՝ Սրբազան հայրը փոքրիկներուն հրաւիրեց եկեղեցւոյ ատեանը եւ իրենց հետ հոգեւոր զրոյց մը կատարեց:
Իսկ Քարոզի պահուն Առաջնորդ Սրբազան Հայրը իր բնաբանը քաղած էր օրուան ճաշու աւետարանէն՝ “Ես եմ կեանքի հացը: Հաւատացեալներուն հրաւիրեց կեանքի հացը փնտրելէն աւելի՝ պէտք է իսկական հոգեւոր հացը փնտրել…”
Պատարագի աւարտին, Հոգեհանգստեան պաշտօն կատարուեցաւ, Հայաստանի բանակի զինուոր նահատակներուն համար որոնք կը զոհուին՝ ի խնդիր ազգին ու հայրենիքի հողին պաշտպանութեան:
Ապա բոլոր հաւատացեալները հաւաքուեցան եկեղեցւոյ ներքեւի սրահը եւ այնտեղ սիրոյ սեղանի մը շուրջ հիւրասիրուեցան եւ զիրար ողջոյններ փոխանակեցին ուրախ մթնոլորտ մը անցնելով…:
