Հսկում Մոմավառութիւն Եւ Հոգեհանգստեան Մասնաւոր Պաշտօն Նուիրուած Լաս Վեկասի Կրակոցներու Զոհերու Յիշատակին

Հինգշաբթի 5 Հոկտեմբեր 2017ը թուականի երեկոյան ժամը 7։00ին Տ. Սասուն Ծ. Վրդ. Զմրուխտեանի, Ս. Կիրակոս Հայց. Առաք. Եկեղեցու հովուի նախաձեռնութեամբ և Լաս Վեկասի մեր քոյր եկեղեցւոյ Ս. Կարապետ Հայց. Առաք. Եկեղեցւոյ Հոգաբարձութեան և ծխականներու, ինչպէս նաև՝ Լաս Վեկասի Հայ Աւետարանական Եկեղեցու Հոգևոր Հովուի՝ Պատվելի Սամ Ակուլեանի և իր ծխականներու և հոգաբարձբւթեան անդամներու, նաև՝ Հայ-Ամերիկեան Մշակոյթային Կազմակերպութեան վարչականներու, նաև՝ Հայ Օգնութեան Միութեան Լաս Վեկասի Շուշի Մասնաճիւղի անդամներու, և ՀՄԸՄ Ընդհանուր Մարզական և Սկաուտներու Արցախ Մասնաճիւղի անդամներուն և Սկաուտներու, նաև ՀՅԴ Իշխան Կոմիտէի անդամներու, նաև՝ Լաս Վեկասի Թրիփլ Էքս հասարակական Կազմակերպութեան անդամներու, Նաև՝ Հայ Ազգային Կոմիտէի ներկայացուցիչներու, Հնչակեան Սոցիալ Դեմոկրատ Կուսակցութեան Լաս Վեկասի մասնաճիւղի ներկայացուցիչներու և Հայ Բարեգործական Ընդհանուր Միութեան վարչական անդամներու մասնակցութեամբ տեղի ունեցաւ Հոգեհանգստեան Մասնաւոր Պաշտօն Լաս Վեկասի կրակոցներու զոհուածներու անմար յիշատակին։

Իրենց սրտի խօսքը ըսին՝ Լաս Վեկասի Պատւոյ Հիւպատոս՝ Տիար Ատրուշան Արմենեանը, Պատւելի Սամ Ակուլեանը ինչպէս նաև Հայր Սասունը։ խօսողները նախ դատապարտեցին եղած ոճրագործութիւնը, ցաւակցեցին զոհուածներու ընտանիքներուն, շնորհակալութիւն յայտնեցին բոլոր Լաս Վեկասի Ոստիկանական և Մասնաւոր Նշանակութեան գունդերուն և հարիւրաւոր կամաւորներուն, որոնք իրենց կեանքը վտանգելով օգնութեան հասան վիրաւորներուն և համերգի ներկաներուն առաջնորդելով դէպի աւելի ապահով վայր։

Եկեղեցին բազմանդամ էր և մտնոլորտը միաժանակ թախծալից և յոյսալից։ Խօսողները իրենց պատգամներուն մէջ նաև ընգծեցին Լաս Վեկասի Հայ Համայնքի միասնականութեան կարևորութիւնն ու համագործակցութիւնը յատկապէս այսպիսի վճռական պահերուն։ Ներկաներուն առափարկուեցաւ, որ իրենց Ֆէյսպուքեան դիմանկարը փոխարիմէն գոնէ Հոկտեմբեր ամսուն  “#VegasStrong” պատկերով իբրև զօրակցութեան նշան։

Եկեղեցական արարողութենէն յետոյ ներկաները գացին Եկեղեցու մուտքի երկու մեծ խաչքարերու մօտ ուր Սկաուտները իրենց տարազներով և թրոշակներով զգաստ կանգնած դիմաւորեցին ժողովուրդին։ Տեղի ունեցաւ մոմավառութիւն և լռելեան հսկում։ Լռութեան մէջ ներկաները իրենց անհատական աղօթքները բարձարացուցին առ Ասուած և լռութեան մէջէն լսուեց մեր ազգի անցեալի ողբը, ներկայի գոհութիւնն ու ապագայի լաւատեսութիւնը։

Հսկումի աւարտին հնչեց Տերունական ու Պահապան ամենայնի աղօթքները։ Յիշատակն արդարոց օրհնութեամբ եղիցի։ Եղիցի, եղիցի և եղիցի։ Ամէն։